Երգչախումբ

Yerevan State Chamber Choir02

ԵՐԵՎԱՆԻ ՊԵՏԱԿԱՆ ԿԱՄԵՐԱՅԻՆ ԵՐԳՉԱԽՈՒՄԲ

1996 թ. ՀՀ արվեստի վաստակավոր գործիչՀարություն Թոփիկյանի հիմնադրած Երևանի կամերային երգչախումբը կարճ ժամանակում գտել է իր ուրույն տեղը հայ երաժշտական հանրության շրջանում՝ ճանաչվելով որպես Հայաստանի երգչախմբային հեղինակավոր կոլեկտիվ:  2009 թ. երգչախումբը ստացել է պետական կարգավիճակ՝ վերանվանվելով Երևանի պետական կամերային երգչախումբ (ԵՊԿԵ):

ԵՊԿԵ-ն բազմաթիվ համերգներ է ունեցել Հայաստանում և արտերկրում: «Գերմանիայում հայ մշակութային օրերի» շրջանակներում երգչախումբը փայլուն  ներկայացրել է Կոմիտասի վերականգնված պատարագը, ինչպես նաև կոմպոզիտոր Տիգրան Մանսուրյանի նոր ստեղծագործությունները Բոննում, Հալլեում, Վիտենբերգում և Մագդեբուրգում, ապա Սիրիայում և Լիբանանում (1998թ.):

1999 թ.  երգչախումբը ներկայացրեց Տիգրան Մանսուրյանի «Արվեստ քերթության» (Ars Poetica) կոնցերտի պրեմիերան և ձայնագրեց ձայնասկավառակ։

Երգչախմբի հետ ելույթ են ունեցել աշխարհահռչակ երաժիշտներ՝ ջութակահար Կիմ Քաշքաշյանը, սաքսոֆոնահար Յան Գարբարեկը, «Լա Սկալա» թատրոնի ֆիլհարմոնիկ նվագախումբն ու երգչախումբը՝ Ռիկարդո Մուտիի ղեկավարությամբ, «Frankfurter Kantorei»-ն՝ Ուինֆրիդ Թոլի ղեկավարությամբ։

ԵՊԿԵ-ն  «Լույս ի լուսո» նախագծի շրջանակներում ականավոր ջազ դաշնակահար Տիգրան Համասյանի հետ ձայնագրել է դաշնամուրի և երգչախմբի համար դաշնակահարի մշակած հոգևոր երաժշտության ալբոմը (2014թ., ECM Records):

2015թ.  Տ. Համասյանը և երգչախումբը բազմաթիվ հյուրախաղեր են ունեցել եվրոպական մի շարք երկրներում, ներառյալ Թուրքիայում և Վրաստանում:

Երգչախումբն առաջին անգամ կատարել է Կոմիտասի «Բեռլինյան պատարագը» (2012 թ.), Կարա Մուրզայի առաջին բազմաձայն պատարագը (2013 թ.) և Ա. Այտնյանի և Ջ. Բյոմի «Մխիթարյանց պատարագը» (2014 թ.):

Երգչախումբը թողարկել է 16 ձայնասկավառակ, այդ թվում՝ «ԿՈՄԻՏԱՍ վարդապետի երաժշտությունը» ձայնասկավառակը, որը  Գլենդելում  կայացած 3-րդ ամենամյա հայ երաժշտության մրցանակաբաշխությանն արժանացել է «Լավագույն ավանդական ալբոմ» մրցանակին:

2021-ից ԵՊԿԵ գեղարվեստական ղեկավարն ու գլխավոր խմբավարը Քրիստինա Ոսկանյանն է։

2022թ.-ի սեպտեմբերի 21-ից 25-ը Երևանի պետական կամերային երգչախումբը մասնակցություն ունեցավ Լեհաստանում անցկացվող ամենամյա միջազգային «Հայնովկա» ուղղափառ եկեղեցական երաժշտության փառատոնին, որ թվով 41-րդն էր:

ԵՊԿԵ-ն համերգներ ունեցավ Վարշավայում Սուրբ Երրորդության Ավետարանական Աուգսբուրգ եկեղեցում և Բելիստոկ քաղաքի ֆիլհարմոնիայի և օպերայի դահլիճում (Podlasie Opera and Filharmonic in Bialystok):

Փառատոնի ավարտին ԵՊԿԵ-ն արժանացավ առաջին մրցանակին՝ պրոֆեսիոնալ երգչախմբեր անվանակարգում:

Գարեգին Հայրապետյան

«Երգելը երգչախմբում տալիս է ամենամեծ փորձը. կողքինիդ լսելու, կողքինիդ արած գործը կարևորելու, մի ամբողջ կոլեկտիվ մեկ նպատակի ու մեկ գործի ծառայացնելու արվեստ:

Թամարա Մոսինյան

«Մաեստրոն շատ նուրբ է զգում երաժշտությունը և փորձում է մեզ հասցնել այդ, և երբ համերգների ժամանակ ստանում ենք այդ երկար, մանրազնին փորձերի արդյունքը,

Ռուզաննա Խանդոյան

«Իմ երգեցողական կարիերան սկսել եմ շատ շուտ, երգել եմ շատ երգչախմբերում, բայց այս կոլեկտիվում հայտնվեցի երջանիկ պատահականության շնորհիվ։

Արթուր Պողոսյան

«Մեր երգչախմբի հարուստ երգացանկում առաջնային և գլխավոր տեղ են զբաղեցնում մեծն Կոմիտասի ստեղծագործությունները, որոնց ճշգրիտ և անաղարտ կատարման հարցում էլ մեզ առաջնորդում է Մաեստրոն,

Ջեննի Նազարյան

«Երգչախմբային արվեստը միշտ հոգեհարազատ է եղել ինձ, այդ պատճառով էլ դեռ ուսանողական տարիներից մուտք գործեցի այս հիասքանչ աշխարհը։

Գագիկ Հարությունյան

«Երբ մի նոր ստեղծագործություն ենք ընթերցում, ամենահետաքրքիր իրավիճակներից մեկը տվյալ կոմպոզիտորի կենսագրության, աշխարհայացքի, երաժշտամտածողության մասին ուսումնասիրությունն է։

Facebook Youtube